鄉土語言教學活動　　　　吳長能 老師  提供

教學 01：唸謠

什麼是圓圓圓？ — 冬節圓仔圓圓圓。

什麼是尖尖尖？ — 水底菱角尖尖尖。

什麼是長長長？ — 山坪竹仔長長長。

什麼是闊闊闊？ — 高速公路闊闊闊。

新年頭舊年尾，家家戶戶拜甜粿，旺梨菜頭及發粿，圍爐團圓撿做伙。

註解：

學期veh結束仔，閣一個月就過年啊！即嘛這個時陣就是舊年尾，新

的年度真緊就veh到啊！每家每戶攏傳甜粿deh拜，嘛有拜旺梨、菜

頭及發粿等好吉調的物件。過年暗，全家團圓鬥陣做伙。

教學 03：唸謠

禮拜一猴山仔拚第一，禮拜二猴山仔學寫字，禮拜三猴山仔穿水衫，

禮拜四猴山仔跋倒無捨勢，禮拜五猴山仔大覺悟，禮拜六猴山仔去斗六，

禮拜日猴山仔拚甲無暝及無日。

註解：

跋倒，跌倒的意思。

無捨勢，可憐。

拚甲無暝及無日：做代誌真續勢，日時、暗時攏deh做。

尖山出有好茶鼓，炎火善燒嘛未黑，一來師父好手路，二來尖山好瓷土。

註解：

這條唸謠介紹是介紹鶯歌的瓷仔。鶯歌ｅ瓷仔早就真出名。尖山埔

是鶯歌古早的地號名，以前做茶鼓（茶壺）出名，烈火按怎燒茶鼓

攏燒袂黑，這有二個原因，一個是師父技術好，另外是尖山出瓷仔

土的關係。

教學 05：諺語「少年袂曉想，食老m成樣」

註解：

這句話就是講少年m認真拍拼，食老就會老歹命。m通一工到暗，食

互肥肥，激互推頹頹，veh食m振重，無養成好的生活規矩，以後做

少年家仔就卡會做歹代誌。你看社會上，食搖頭丸，通宵sng電動，

愛lim愛bua，吸毒，he攏嘛是做少年囡仔的時陣無認真聽序大人講

話，無聽老師教訓才會變gah這款。少年ve曉想食老m成樣，就是這

個道理。

教學 06：諺語「田螺甘水過冬」

註解：

田螺di天氣冷的時，伊知影田底無水通lim，因為做田人無做穡仔，

就儉一腹肚的水，藏di土地，等待春天做田人開始種作，伊才閣sor

出來活動，歸個寒天伊就靠歸腹肚的水活落去。咱知影田螺的腹肚

真細，水儉無濟，但是伊逐擺攏是儉儉仔用，一直等待冬天過去。

「田螺甘水過冬」是一種大自然的現象，但是這種現象是值得咱學

習的精神。咱若du著困難的環境，就愛忍耐，等待時機，按呢才會

出頭天。田螺ga咱教示的代誌有二個重點，第一，愛儉儉仔用有限

的資源，第二愛知影保持體力，保持元氣。

教學 07：諺語

教學目標：

勸同學認真讀書

教學內容：

介紹諺語「做人道認真，做事道頂真」

內容註解：

做人道認真，做事道頂真。頂真意思gah認真仝款。這句話是勸人做代

誌愛骨力做，拍拼做。你看爸爸、媽媽有認真否？爸爸、媽媽認真趁

錢互咱來學校讀冊，互咱食互咱穿，in對厝邊隔壁、朋友攏真照顧，

按呢做人實在有認真。咱來學校讀冊，嘛道愛認真、頂真，按呢做人

的囝者會凍過，起碼對家己負責。

教學 08：諺語

教學目標：

勸同學做人不要太計較

教學內容：

介紹諺語「無棄嫌，菜脯根仔罔咬鹹」

內容註解：

這句話的意思是講，無計較，凊采食，什麼物件攏會凍遷就。菜脯根

道是菜脯ｅ意思。菜脯是菜頭剖爿sinn鹽曝干，所以食起來鹹獨獨，

以前農業社會，經濟條件卡差，有這款ｅ物件食道算vevai啊！這句di

現代社會ma真ha用，伊勸人凡事mai尚計較，尤其是現實的問題，會凍

過道好，人才有福氣。

教學目標：

慶祝中秋節

教學內容：

介紹諺語一則「八月十五食月餅，你來切，我來請，月娘圓圓光炎炎

，親像天頂一面鏡」

內容註解：

這首唸謠是林心智老師的作品，描寫中秋節的情景真傳神。後禮拜二

教師節，嘛是中秋節放假一工，歸家伙仔會凍團圓慶祝，實在真幸福

，di中秋節來學一條唸謠，增加過節的氣氛，祝大家中秋快樂，合家

平安。

教學目標：

學習電話數字台語唸法

教學內容：

阿拉伯數字一到九及零台語文言讀音

教學目標：

慶祝鶯歌製陶200年，認識故鄉

教學內容：

介紹諺語一則「尖山出有好茶古，炎火善燒嘛袂烏，一來師父好手路

，二來尖山好瓷土」

內容註解：

這條唸謠是一個八十歲ｅ老阿媽伊細漢dua-diam大溪所流傳ｅ歌謠，

內容是di介紹咱鶯歌ｅ瓷仔（華語：陶瓷）。可見鶯歌ｅ瓷仔早就真

出名。這是值得咱呵咾ｅ代誌，zimma咱就來學這條唸謠。Zitma，鶯

歌街仔慶祝製陶二百年，希望大家要求厝裡序大做伙去參加慶祝。

教學目標：

提醒秋天閣有風颱

教學內容：

介紹諺語一則，「九月颱無人知」

內容註解：

舊曆九月天做風颱，無啥人知影，無啥人去注意，一般來講，風颱攏

出現di熱天時，真少di秋天，所以一但秋天有風颱，大家無注意，損

失就真大，這句話di提醒大家，di台灣的舊曆九月，ia閣有風颱，大

家m通疏忽風颱的威力。

教學目標：

慶祝九月重陽，愛尊重老人

教學內容：

介紹諺語一則「九月九，風吹滿天哮」

內容註解：

舊曆九月初九，九月重陽是老人節，古早人對老輩攏真尊重，每年九

月初九攏特別來慶祝，尤其是秋天豐收，歸家大小團圓，囡仔sng風吹

，風吹滿天攏是，這款秋天的情景是一種幸福的寫照，提醒大家愛尊

重老人，痛惜老人，按呢才是有孝道的社會。

教學目標：

勸同學做代誌要小心，不可大意

教學內容：

諺語「猴山嘛會跋落樹腳」

內容註解：

猴山本來就真ghau爬樹仔，爬懸爬低，功夫真利害，m閣猴山嘛會失覺

察會時陣。有當時仔天色bhai，無小心就會跋倒。打獵的人追殺，驚

hia?，嘛會去跋倒。人gah猴仝款，讀冊做人做代誌，無可能定定攏

真順利。所以咱做人做事總是愛謹慎細膩，按呢才會成功。

教學目標：

了解每人攏有希望攏有機會

教學內容：

諺語「一支草一點露」

內容註解：

每一支草，每工早起天公伯攏會互伊一滴露水，有這滴露水，這支草

就會凍活落來。這句話的意思是講，天公伯對大家攏真好，伊ho咱大 

家希望，咱愛珍惜這種機會，m通凊采放棄機會。咱每一個人攏有路用

，對社會儕少攏有貢獻，所以m通隨便就看輕家己，看輕別人。

教學目標：

愛檢討家己，m通隨便嫌別人

教學內容：

介紹台灣諺語「袂曉駛船嫌溪彎」

內容註解：

期中考試du考煞，考了按怎呢？我想真濟人無滿意。有人就怪講老師

出的題目尚深尚難。按呢是m對的。怪愛怪家己無夠認真拍拚，後一擺

提醒家己認真用功才對。袂曉駛船嫌溪彎，就是家己技術差能力差，

袂曉駛車船道怪溪彎來灣去。

教學目標：

介紹台灣小食

教學內容：

唸謠「冬粉湯、米粉炒，芋粿湯食到飽」

內容註解：

冬粉湯、米粉炒，芋粿湯這幾種好食物仔攏是台灣傳統的料理。古早

人無什麼好通食，若會凍有這下小食，in道感覺真滿足啊！冬粉是綠

豆仔做的，米粉當然是米做的，台灣的米粉算新竹米粉gah埔里米粉上

出名。

教學目標：

愛知影勤儉

教學內容：

諺語「好天就存雨來糧」

內容註解：

好天的時，愛加儉寡糧食，以免落雨天無物件通好食。這句話ga咱講

，好天愛認真拍拼，就參像少年是愛認真拍拼，積寡錢，m通盡趁盡開

，儉寡錢，veh用的時才有法度，因為大多數的人的一生m是攏會凍過

了真好康。

教學目標：

做人m通相絕情

教學內容：

諺語「感情留一線，日後好相看」

內容註解：

人甲人做伙，愛珍惜，愛感恩，有緣才會鬥陣做伙，m通一時匆碰，

教學目標：

m通隨便看人無

教學內容：

諺語「龍眼殼烏烏，荔枝皮粗粗」

內容註解：

龍眼的殼看起來烏烏，真蠟屑款m閣食起來真甜，真好食。荔枝的皮

教學目標：

了解傳統文化

教學內容：

唸謠「冬至圓，圓圓圓；規家大細來團圓；捧碗舉箸提湯匙；

　　　嘴開開，吞落去；圓仔燒燒閣甜甜；大家食甲笑微微。」

內容註解：

今年冬至是新曆十二月二十一。人講食圓仔了後道加一歲仔，大家食

圓仔了後，道愛卡識代誌，m通互爸爸媽媽煩惱，飼袂大漢。這條唸

謠是描寫規家大細團圓食圓仔的情景，提醒大家過年連鞭道veh到仔，

閣老一歲啊！

教學 22：諺語

教學目標：

趁少年愛認真拍拼

教學內容：

諺語「少年ve曉想，食老m成樣」

內容註解：

這句話就是講少年m認真拍拼，食老就會老歹命。少年有分少年囡

仔，少年家仔，咱讀冊ｅ囡仔就是少年囡仔，少年囡仔veh按怎拍拼？

咱愛拍拼讀冊，拍拼學習做人ｅ道理，拍拼學習做代誌ｅ方法，m通

一工到暗，食互肥肥，激互推頹頹，veh食m振重，無養成好的生活規

矩，以後做少年家仔就卡會做歹代誌。

教學 23：唸謠

教學目標：

傳統唸謠「一鼠賊仔名」

教學內容：

一鼠賊仔名，二牛駛犁兄，三虎爬山坪，四兔遊東京，五龍皇帝命，

內容註解：

六蛇互人驚，七馬走兵營，八羊食草嶺，九猴爬樹頭，十雞啼三聲，

十一狗仔顧門埕，十二豬是菜刀仔命。

過年欲到啊，唸這條囡仔歌真心適，zitma大家攏di流行西洋星座，但

是家己傳統的十二生相ma是愛會記得。

教學目標：

認識家禽

教學內容：

臆謎猜

內容註解：

臆謎猜。「頭尖尖，賣尖尖，放屎臭辛辛，上桌無人嫌。」

答案是「雞」。雞有雞公gah雞母。台語ｅ講法gah華語du仔好相反。

台語講「雞公」，華語講「公雞」。台語講「雞母」，華語講「母

雞」。雞公、雞母攏是一般ｅ稱呼，嘛是大隻雞ｅ稱呼。細隻雞母或

者是iah未生卵的叫做「ge-nua-a」，細隻雞公叫做「ge-gak-a」。

教學目標：

過年學講好話

教學內容：

食雞好起家等傳統唸謠。

內容註解：

過年講好話，其實是欲討一個好吉兆，過年時食的物件，咱逗句做好

話。好起家是家庭興旺的意思。其實食菜頭通血氣，紅棗幫助消化，

長年菜是過年的青菜，有豐富的維他命、纖維素，對咱身體嘛真有幫

助。

教學目標：

運動精神

教學內容：

介紹囡仔詩：比賽

一二三四五六七，走標比賽足歡喜。

恁二人是好兄弟，mai計較來計較去。

這首囡仔詩歌是屏東一個退休的黃基博老師所寫。簡單清楚，寫出運

動家的精神。走標比賽意思是走相逐比賽，不管一百公尺、二百公尺

的比賽，一擺總是一個第一名。一擺輸無要緊，以後閣有機會，平平

攏是同學，好兄弟，好姊妹m通計較，按呢感情才袂拍歹去，閣保持

運動家的精神。

教學目標：

介紹喝茶休閒活動

教學內容：

介紹囡仔詩：喝茶

暗時食飽相招來哈茶，涼風一直吹，

月娘來做客，火金姑四界飛，

哈茶配茶，哈到三更半暝。

這首囡仔詩歌是台南一個教高中的謝文雄老師所寫。茶是一種好的飲

料，喝茶更加是一種休閒的活動。暗時歸傢伙做伙哈茶是真美滿幸福

的代誌。有涼風、月娘、火金姑配茶，真正是享受。m閣大人喝茶會凍

喝到三更半暝，囡仔人就千萬m通坐gah者呢晚，早早睏早早起，才會

健康ghau大漢。

教學目標：

鼓勵小朋友努力向上

教學內容：

介紹囡詩：囡仔人

一二三四，囡仔人哭哭咧無代誌；

四三二一，囡仔人冤冤咧煞煞去。

一二三四，囡仔人拍拼才會著第一；

四三二一，囡仔人貧憚大家看袂起。

這首囡仔詩歌是嘛是屏東一個退休的黃基博老師所寫。這首詩鼓勵囡

仔人愛認真拍拼。囡仔人愛勇敢，哭過去道準du好。gah人相冤家，嘛

m通kng在心肝，認真拍拼，才ｅ成功，若是貧憚，無愛寫功課，無愛

讀冊，大家會看不起你，無愛gah你做朋友。

教學目標：

介紹本土生物

教學內容：

介紹囡仔歌：天烏烏

天烏烏，欲落雨，舉鋤頭，清水路。

清著一尾鯽仔魚欲娶某。

龜擔燈，鱉拍鼓。

田嬰舉旗叫艱苦，毛蟹擔燈雙目吐。

水雞扛轎大腹肚，一碗圓仔湯互你補。」

這是一首流傳真久的囡仔歌，歌詞有介紹真濟台灣本土的生物。鯽仔

魚、龜、鱉、田嬰、毛蟹、水雞等等，田嬰就是華語的「蜻蜓」，水

雞就是華語的「青蛙」。歌詞者ｅ生物當做人來看待，真鬧熱，真趣

味的一首囡仔歌。

教學目標：

學垃圾車的精神

教學內容：

介紹囡仔詩：糞埽車

阮是一台糞埽車

沿路快樂唱歌沿路食物件

不怕艱苦，不怕流汗

不怕聞臭味

因為阮是一台糞埽車

內容註解：

這是台南謝文雄老師所寫的一首囡仔詩，描說糞埽車無惜艱苦的精

神。即馬糞埽車攏是固定時間經過大家的門口，沿路放歌，沿路收糞

埽，di這，食物件就是收糞埽。M驚艱苦，m驚流汗，m驚臭，一般來

講糞埽車經過攏有一種臭味，但是糞埽車也是真認份來拍拼。

教學目標：

認識清明傳統習俗

教學內容：

介紹囡仔歌：紅田嬰

紅田嬰，紅貢貢，騎牛騎馬來培墓，

這是描說農業社會，清明陪墓的情景。紅色田嬰，紅紅紅，騎牛騎馬

來培墓，紅龜、牲禮提來拜，兄弟鬥陣點火燒香來培墓，du著飼牛囡

仔來分墓粿，分無夠，閣提其他牲禮像豆干、鴨卵等等來分in食。祭

拜祖先，閣分享牲禮互別人實在真有人情味。

教學目標：

感謝母愛

教學內容：

介紹囡仔詩：雞仔囝（上）

大樹腳，門口埕，

雞母cua雞仔囝，四界行

gi-gi-gok-gok 做伙揣物件

揣著一尾蟲，欲留互心肝仔囝

內容註解：

這是台南謝文雄老師所寫的一首囡仔詩，描說雞母疼惜雞仔囝的心情

。Di大樹腳，門口的空底仔，雞母cua雞仔囝，四界cit-tor。gi-gi-gok-g

ok雞仔的叫聲，鬥陣揣物件食。揣著一尾蟲，家己m甘食，欲留互伊

的心肝仔囝雞仔囝食。這是母愛的偉大的表現。

教學目標：

感謝母愛

教學內容：

介紹囡仔詩：雞仔囝（下）

揣著一粒米，欲留互心肝仔囝，

揣著一隻龜仔，ma是欲留互心肝仔囝，

阮著是迄隻雞仔囝。

頂半過的詩提起揣著一尾蟲欲留互雞仔囝食，揣著一粒米，揣著一隻

龜仔嘛是欲留互伊的心肝仔囝食，咱大家就親像迄隻幸福的雞仔囝，

會凍無煩無惱來學校讀冊。咱做人序細的愛知影父母的疼心，認真讀

冊，以後才有好的前途來有孝父母。

教學目標：

偉大的阿母（上）

教學內容：

介紹囡仔歌：一歲二歲手裡抱

一歲二歲手裡抱，三歲四歲土腳索，

五歲六歲漸漸大，有時頭燒甲耳熱，

七歲八歲真ghau吵，一日顧伊兩支腳，

九歲十歲教針只，驚伊四界去經絲，

內容註解：

這是古早時，母親看囡仔大漢的心情。

一、二歲抱di手，三、四歲土腳爬來爬去，五、六歲漸漸大漢，有時

頭發燒，燒甲耳仔，七、八歲kiau-東kiau-翹西，吵吵鬧鬧，歸日煩惱

囡仔四界去，九、十歲仔教查某囝綻衫，驚伊四界去學歹。

教學目標：

偉大的阿母（下）

教學內容：

介紹囡仔歌：一歲二歲手裡抱

十一十二著拍罵，此去著那學做衫，

十三十四學煮菜，一塊桌面辦會來，

十五十六欲轉大，驚伊兌人去風花，

十七十八做親成，一半歡喜一半驚。

內容註解：

到十一、二歲阿母的管教就卡嚴，嘛要求學做衫褲，十三、四歲愛學

煮菜，煮一桌十幾人欲食的菜。十五、六歲開始變大人，驚查某囝去

外口風索，互人騙去，十七、八歲愛嫁人，心情一半歡喜，一半驚，

因為驚伊嫁m著人，袂幸福。

教學目標：

認識本土生物

教學內容：

介紹囡仔歌：西北雨（上）

西北雨，直直落，鯽仔魚，欲娶某，

古呆兄拍鑼鼓，媒人婆仔土虱嫂，

日頭暗揣無路，趕緊來火金姑，

做好心，來照路，西北雨，直直落，

內容註解：

這是一首趣味的囡仔歌，西北雨，落袂停，gah天烏烏仝款，用一寡本

土的生物來描說本土文化，非常鬧熱的情景。故事的生物攏ga當做人

來比論。鯽仔魚想欲娶某，古井的古呆拍鑼鼓來助陣，叫土虱來做媒

人，日頭欲落山，摸無路，拜託火金姑來照路。

教學目標：

認識本土生物

教學內容：

介紹囡仔歌：西北雨（下）

西北雨，直直落，白鴒鷥，來趕路，

盤山嶺，過溪河，揣無岫，跋一倒，

日頭暗，卜怎好，土地公，土地婆，

做好心，來娶路，西北雨，直直落。

內容註解：

這首西北雨下半段是講著白鴒鷥趕路的情景。盤山過嶺，行過溪河，

揣無伊的厝，跋一倒，慘啊，日頭落山啊，天色暗，毋知欲怎好，拜

託土地公，土地婆做一個好心，來娶路。

教學目標：

自由自在的意志 － 風箏

教學內容：

介紹囡仔詩：放風吹

放風吹，天頂飛；天頂尾，風若吹，風吹飛啊飛，

天頂風吹，風吹天頂飛啊飛，

一芯花，二芯花，天頂千芯花，

芳芳的風若吹，天頂天頂的千芯花，

尾蝶仔，飛啊飛啊，飛啊飛。

這首囡仔歌是台中縣梧棲國小楊焜顯老師所寫的。風吹逍遙自在飛di

天頂，互人真欣羨。風吹天頂飛啊飛，互小朋友真濟思考的空間，一

隻風吹親像一蕊花，滿天的風吹，滿天的花蕊，實在真美麗。

教學目標：

文化傳承，世代變遷

教學內容：

介紹囡仔詩：阿公阿爸甲阮（上）

阮阿公帶田庄，天未光著起床；

蕃薯簽參白飯，配鹹魚細嘴cng`；

食飯照三頓，擔擔掘田園。

這首囡仔歌是高雄左營的鄭吉竣老師所寫的囡仔歌。故事淡薄仔長，

分做三段。上段是阿公的生活。伊帶草地所在，天未光就起床，因為

生活艱難，食飯攏是蕃薯簽攬白飯，配鹹魚，細嘴夾來食，三頓食飯

做穡，擔物件，掘田園，這是庄腳的生活。

教學目標：

文化傳承，世代變遷

教學內容：

介紹囡仔詩：阿公阿爸甲阮（中）

阮阿爸出田園，入市內賣糖霜；

做生理趁三頓，三更半才入門；

燒酒準三頓，應酬傷胃腸。

講到阮阿爸這代，就到菜市仔賣糖霜，做生理渡三頓，幾工無閒，由

透早出門，三更半暝才轉到厝。Lim燒酒就干那食三頓仝款，應酬濟

傷胃腸。阿爸做生理gah阿公做田，生活方式，實在差真濟。

教學目標：

文化傳承，世代變遷

教學內容：

介紹囡仔詩：阿公阿爸甲阮（下）

阮姊妹真愛耍，天欲光才上床；

日頭光曝尻川，頭殼痛骨頭酸。

來到阮這代，姊妺生活無憂愁，會凍四界cittor，暗時攏無愛睏，欲天

光才上眠床，睏到日頭曝尻川，頭殼痛，骨頭酸，身體拍歹了了。咱

那是無煩惱三頓的小朋友就m通像in者呢放蕩，以後才有好前途。

教學目標：

認識中元傳統文化

教學內容：

介紹囡仔歌：普渡歌

普渡來欲做戲，吩咐三吩咐四；

吩咐親家親姆，十五來看戲；

對竹腳厚竹刺，對溪邊驚跋死；

對大路嫌費氣，無著攏mai去。

內容註解：

中元是七月15鬼仔節，這工愛普渡好兄弟，普渡有做戲，邀請親家親

姆來看戲，行對佗位去，經過竹腳，有竹刺，行對溪邊，驚跋死，驚

對大路，嫌麻煩，若無，什麼所在攏mai去，莫怪人講七月時卡mai出

門。

教學目標：

教學內容：

教學 44：台灣諺語

教學目標：

教學內容：

教學 45：台灣諺語

教學目標：

教學內容：

教學 46：台灣諺語

教學目標：

教學內容：

教學 47：台灣諺語

教學目標：

教學內容：

教學 48：台灣諺語

教學目標：

教學內容：

教學目標：

教學內容：

教學 50：台灣諺語

教學目標：

教學內容：

教學 51：台灣諺語

教學目標：

教學內容：

教學 52：台灣諺語

教學目標：

教學內容：

教學 53：念謠　　　　 　　陳淑楨 老師 提供

教學目標：

教學內容：

教學 54：台灣諺語

教學目標：

教學內容：

教學 55：念謠　　　　 　　陳淑楨 老師 提供

教學目標：

教學內容：

教學目標：

教學內容：

教學 57：念謠　　　　 　　陳淑楨 老師 提供

教學目標：

教學內容：

教學 58：台灣諺語

教學目標：

教學內容：

教學 59：念謠　　　　 　　陳淑楨 老師 提供

教學目標：

教學內容：

教學 60：台灣諺語

教學目標：

教學內容：

教學目標：

教學內容：

教學 62：念謠　　　　 　　陳淑楨 老師 提供

教學目標：

教學內容：

教學目標：

教學內容：

遠遠ｅ天頂一gua?天星，金金黃黃光光鮮鮮，

永遠掛di天邊，一nih一nih閃閃sih sih。

近近ｅ媽媽永遠d i我ｅ身軀邊，媽媽ｅ雙手心意點點滴滴，

教學 64：念謠　　　　 　　陳淑楨 老師 提供

教學目標：

教學內容：

教學 65：台灣諺語

教學目標：

教學內容：

教學 66：念謠　　　　 　　陳淑楨 老師 提供

教學目標：

教學內容：

教學 67：台灣諺語

教學目標：

教學內容：

教學 68：念謠　　　　 　　陳淑楨 老師 提供

教學目標：

教學內容：

教學 69：台灣諺語

教學目標：

教學內容：

教學 70：念謠　　　　 　　陳淑楨 老師 提供

教學目標：

教學內容：

教學目標：

勸同學認真做人

教學內容：

介紹諺語「好田地，毋值著好子弟」

內容註解：

這句話的意思是講，厝內若有一個好的囝兒序細，卡贏過財富。厝內

田園歸大片，萬貫家財，若是序細不孝，連綿就財產就去了了。人講

好康袂過三代，因為歹序細開甲da-da-da。咱來學校，愛認真讀冊，

學做人。將來做一個有路用的人，這比什麼攏重要。財富有上好，無

嘛無要緊，只要咱認真，趁就有啊！

教學 72：臆謎猜

教學目標：

臆謎猜學台語

教學內容：

謎猜一、「二個黑矸仔，日時開暗時鎖。」臆身體器官

謎猜二、「好天一條瓜，落雨一蕊花。」臆落雨天用的物件

內容註解：

謎猜一、黑矸仔是黑色的酒矸仔。咱身軀有一種物件，親像黑矸仔仝

款，日時會拍開，暗時就鎖起來，合起來。（謎底：目睭）。

謎猜二、好天的時加收起來，就親像一條菜瓜。落雨的時若加拍開，

就親像一蕊花。（謎底：雨傘）

教學 73：諺語

教學目標：

勸同學做人不要太計較

教學內容：

介紹諺語「無棄嫌，菜脯根仔罔咬鹹」

內容註解：

這句話的意思是講，無計較，凊采食，什麼物件攏會凍遷就。

菜脯根道是菜脯ｅ意思。菜脯是菜頭剖爿sinn鹽曝干，所以食起來鹹

獨獨，以前農業社會，經濟條件卡差，有這款ｅ物件食道算vevai啊！

這句di現代社會ma真ha用，伊勸人凡事mai尚計較，尤其是現實的問

題，會凍過道好，人才有福氣。

教學 74：諺語

教學目標：

認識瓷仔故鄉鶯歌

教學內容：

介紹諺語一則「尖山出有好茶古，炎火善燒嘛袂烏，一來師父好手路

，二來尖山好瓷土。」

這條唸謠是一個八十歲ｅ老阿媽伊細漢dua-diam大溪所流傳ｅ歌謠，

教學 75：諺語

教學目標：

教學內容：

內容註解：

教學 76：臆謎猜

教學目標：

教學內容：

教學 77：諺語

教學目標：

教學內容：

內容註解：

教學 78：諺語

教學目標：

教學內容：

內容註解：

教學 79：諺語

教學目標：

教學內容：

內容註解：

教學 80：臆謎猜

教學目標：

教學內容：

教學 81：諺語

教學目標：

教學內容：

內容註解：

教學目標：

教學內容：

內容註解：

教學 83：諺語

教學目標：

教學內容：

內容註解：

教學 84：臆謎猜

教學目標：

教學內容：